फोहोर व्यवस्थापनमा उपत्यकाका स्थानीय तहको ‘दादागिरी’

काठमाडौं । काठमाडौं उपत्यकाको फोहोरमैला व्यवस्थापनको विषय संसद्, सरकार हुँदै राष्ट्रिय सरोकारको मुद्दा बन्नुमा उपत्यकाका स्थानीय तहको ‘दादागिरी’ शैली प्रमुख कारक देखिएको छ ।

बढ्दो जनसंख्यासँगै फोहोरको मात्रा बढ्दै गए पनि सामूहिक र दीर्घकालीन समाधान खोज्नुको साटो संविधानले दिएको अधिकारको आडमा स्थानीय तहहरूले आ–आफ्नै ढंगले अल्पकालीन नीति अघि बढाउँदा समस्या झन् जटिल बनेको हो ।