डीडीसीको घिउ निर्यात : बाहिर तामझाम, भित्र रित्तो भण्डार

१० भदौ, काठमाडौं । गएको शुक्रबार सरकारी स्वामित्वको दुग्ध विकास संस्थान (डीडीसी) मुख्यालयदेखि त्रिभुवन अन्तर्राष्ट्रिय विमानस्थलसम्म बेग्लै उत्साह र तामझाम देखियो । कारण- नेपाली ब्रान्डको ‘डीडीसी घिउ’ ले अन्तर्राष्ट्रिय बजार यात्रा तय गर्दै थियो ।

नेपाल एयरलाइन्सको उडान मार्फत पहिलो चरणमा ५ सय किलो (आधा टन) घिउ यूएईको दुबईतर्फ पठाइँदा सरकारले ठूलै उपलब्धि सहित उत्साह व्यक्त गरेको थियो ।