सुदूरपश्चिममा १४३ बहुवर्षीय योजना : १४ अर्बको ठेक्का, कामको गति कस्तो ?

धनगढी । सुदूरपश्चिम प्रदेश सरकारले सडक, पुल तथा अन्य भौतिक पूर्वाधार निर्माणलाई प्राथमिकतामा राख्दै प्रदेशका नौ वटै जिल्लामा १४३ वटा बहुवर्षीय योजना अघि बढाएको छ । अर्बौं रुपैयाँ लगानी भएका यी योजनामध्ये केही निर्माणको अन्तिम चरणमा पुगेका छन् भने केहीको भौतिक प्रगति निकै न्यून छ ।

भौतिक पूर्वाधार विकास मन्त्रालयअन्तर्गत सञ्चालित १४३ वटा बहुवर्षीय योजनाको कुल लागत अनुमान करिब १९ अर्ब ९७ करोड ४३ लाख रुपैयाँ छ । प्रतिस्पर्धात्मक ठेक्का प्रक्रियाबाट यी योजना १४ अर्ब ३६ करोड २६ लाख रुपैयाँमा सम्झौता भएका छन् ।