सञ्चालन होला बुटवल धागो कारखाना?

झन्डै दुई दशकदेखि बन्द रहेको बुटवल धागो कारखाना पुनः सञ्चालनमा ल्याउने प्रक्रिया अघि बढेको छ। सरकारले कारखानाको सम्पत्ति तथा दायित्व मूल्यांकन प्रक्रिया (डिडिए) अघि बढाउनुका साथै यसको पूर्वाधार, मेसिनरी, बजार सम्भावना र आवश्यक लगानीबारे अध्ययन थालेको हो।

उद्योग, वाणिज्य तथा आपूर्ति मन्त्रालयले बुटवल धागो कारखाना लिमिटेडको सम्पत्ति तथा दायित्व मूल्यांकन प्रक्रिया अघि बढाएको कारखानाका निमित्त कार्यालय प्रमुख डोलराज शर्माले बताए। उनका अनुसार डिडिएपछि कारखाना सञ्चालनको सम्भावना र उपयुक्त मोडालिटीबारे निर्णय गर्ने प्रक्रिया अघि बढ्नेछ।