२५७० विन्दुमा नेप्सेको बलियो टेवा, २६०० पार गर्नुपर्ने दबाब

काठमाडौं–लगातार घटेको नेपाल स्टक एक्सचेञ्ज (नेप्से) परिसूचक गत असार २९ गते २ हजार ५७० विन्दुसम्म झरेर फर्किएपछि पुनः दबाबमा परेको छ । मंगलबार नेप्से २ हजार ५९४ विन्दुमा आएपछि अहिले २ हजार ५७० विन्दुलाई बजारको महत्वपूर्ण टेवा मान्न थालिएको छ ।

गत असार २९ गते नेप्से २ हजार ५७० विन्दुसम्म पुगेका बेला धितोपत्र बोर्डले बजार सुधारसँग सम्बन्धित विभिन्न दस्तावेज सार्वजनिक गरेको थियो । बैंकहरूको ब्याजदर पनि थप घटेको थियो भने संघीय संसदमा सांसदहरूले घट्दो पुँजी बजारबारे चासो व्यक्त गरेका थिए । यी घटनाक्रमले बजारमा सकारात्मक प्रभाव पार्दा असार ३० गतेदेखि नेप्से क्रमिक रूपमा उकालो लागेको थियो ।