भोटेकोसीमा तिब्बतबाट ठूलो बाढी, मुग्लिनसम्म उच्च सतर्कता अपनाउन गृहमन्त्रीको आग्रह

काठमाडौँ- गृहमन्त्री सुधन गुरुङले रसुवास्थित भोटेकोसी नदीमा तिब्बततर्फबाट ठूलो बाढी प्रवेश गरेको भन्दै अर्को सूचना जारी नभएसम्म भोटेकोसी र त्रिशूली नदीको तटीय क्षेत्रमा उच्च सतर्कता अपनाउन आग्रह गरेका छन्।

गृहमन्त्री गुरुङले बुधबार जारी गरेको अपिलमा रसुवा, धादिङ, गोरखा, चितवन र नुवाकोटका भोटेकोसी तथा त्रिशूली नदी किनारका बासिन्दालाई सुरक्षित स्थानमा बस्न अनुरोध गरेका छन्।