ल्हेन्दे खोलाको बाढी भोटेकोशी हुँदै त्रिशूलीमा, काठमाडौँबाट धादिङ–रसुवा–चितवन जाने सवारी रोकियो

काठमाडौँ ।

चीनको ल्हेन्दे खोलामा आएको भीषण बाढी भोटेकोशी हुँदै त्रिशूली नदीतर्फ आइरहेपछि सम्भावित जोखिमलाई मध्यनजर गर्दै काठमाडौँबाट धादिङ, रसुवा र चितवनतर्फ जाने सवारीसाधनमा रोक लगाइएको छ। उपत्यका ट्राफिक प्रहरी कार्यालयले बाढीका कारण सडक तथा नदी आसपासका क्षेत्रमा जोखिम बढ्न सक्ने भन्दै नागढुंगा र भीमढुंगा नाका हुँदै बाहिरिने सवारीसाधनलाई रोकेको हो। ट्राफिक प्रहरीले यातायात व्यवसायीहरूलाई समेत उक्त नाका प्रयोग गरी धादिङ, रसुवा र चितवनतर्फ सार्वजनिक सवारीसाधन नपठाउन आग्रह गरेको छ। चीनको ल्हेन्दे खोलामा आएको बाढी भोटेकोशी नदी हुँदै तल्लो तटीय क्षेत्रमा फैलिँदै गएको छ।