रसुवा बाढी : स्याफ्रुबेंसी तहसनहस

काठमाडौँ- रसुवामा बुधबार बिहान आएको भीषण बाढीले स्याफ्रुबेंसीसहितका बजार तथा बस्ती क्षेत्रमा ठूलो क्षति पुर्‍याएको प्रारम्भिक जानकारी आएको छ। बाढीको कारण अझै यकिन भइनसके पनि माथिल्लो क्षेत्रमा हिमताल फुटेको हुन सक्ने आशंका गरिएको छ।

रसुवाका प्रमुख जिल्ला अधिकारी नरेन्द्र परियारका अनुसार क्षतिको विस्तृत विवरण संकलन भइरहेको छ। उनले बाढी एक्कासि आएको र स्थानीयसँग सम्पर्क गरेर अवस्थाको जानकारी लिने काम भइरहेको बताए। ‘अचानक बाढी आएको छ। क्षति यतिउति भन्ने खुलेको छैन। ठूलै नोक्सान पुर्‍याएको भन्ने जानकारी आएको छ,’ परियारले भने।