हर्मुज जलमार्ग बन्द गर्ने इरानको घोषणा, अमेरिकाले शुरू गर्‍यो तेस्रो चरणको हवाई आक्रमण

काठमाडौँ । मध्यपूर्वी क्षेत्रमा तनाव उत्कर्षमा पुगेको छ। इरानी सेना 'रिभोलुसनरी गार्ड्स' ले विश्व व्यापारकै प्रमुख रणनीतिक मार्ग मानिने हर्मुज जलमार्ग पूर्ण रूपमा बन्द गर्ने घोषणा गरेको छ। इरानी सेनाले आफ्नो पूर्व अनुमतिबिना कुनै पनि व्यावसायिक वा सैन्य जहाजलाई यो मार्ग पार नगर्न कडा चेतावनी दिएको छ।

इरान र अमेरिकाबीचको युद्धविराम समाप्त भएलगत्तै अमेरिकाले इरानमाथि तेस्रो चरणको भीषण हवाई आक्रमण (एयरस्ट्राइक) शुरू गरेको छ। अमेरिकी सेन्ट्रल कमाण्डले जारी गरेको विज्ञप्तिअनुसार, इरानी सेनाले हर्मुज जलमार्गमा साइप्रसको झण्डा फहराइरहेको एउटा मालवाहक जहाजमाथि आक्रमण गरेपछि अमेरिकाले यो जवाफी सैन्य कदम चालेको हो।