भ्रष्टाचार नियन्त्रणका लागि प्रधानमन्त्री कार्यालय मातहत विशेष इकाइ राखिँदै

काठमाडौं । भ्रष्टाचार नियन्त्रण गर्ने उद्देश्यले प्रधानमन्त्री तथा मन्त्रिपरिषद्को कार्यालयअन्तर्गत एक विशेष सुशासन अनुगमन इकाइ राख्न प्रस्ताव गरिएको छ। सरकारले स्वीकृत गरेको भ्रष्टाचारविरुद्धको राष्ट्रिय रणनीतिक योजनामा त्यस्तो प्रस्ताव गरिएको हो।

‘सदाचारितामा आधारित भ्रष्टाचारमुक्त र समृद्ध राष्ट्र निर्माण’ को अवधारणासहित भ्रष्टाचारविरुद्धको दोस्रो राष्ट्रिय रणनीतिक योजना ल्याइएको छ। १८ असारमा बसेको मन्त्रिपरिषद् बैठकले स्वीकृत गरेको उक्त रणनीतिक योजनालाई प्रधानमन्त्री तथा मन्त्रिपरिषद् कार्यालयले शुक्रबार सार्वजनिक गरेको हो।