रसुवामा बाढी : ७ हेलिकोप्टर र ३५ उद्धारकर्मी परिचालन

काठमाडौँ- रसुवामा आएको बाढीपछिको उद्धार कार्यलाई तीव्र बनाउन सरकारले फास्टट्र्याक व्यवस्था लागू गर्दै सातवटा हेलिकोप्टर र सशस्त्र प्रहरी बलका ३५ जना उद्धारकर्मी परिचालन गरेको छ।

वायुसेवा सञ्चालक संघका अध्यक्ष तथा कैलाश हेलिकोप्टरका सञ्चालक प्रतापजंग पाण्डेका अनुसार काठमाडौँबाट सशस्त्र प्रहरीका ३५ जना उद्धारकर्मी रसुवातर्फ पठाइएको छ। प्रभावित क्षेत्रमा उद्धार तथा राहतका लागि सातवटा हेलिकोप्टर परिचालन गरिएको उनले बताए।