देशभर २४सै घण्टा कल सेन्टर सञ्चालन

काठमाडौँ ।

प्राकृतिक विपद्का बेला नागरिकले सहायता माग्न, सूचना दिन वा गुनासो गर्न अब एउटै नम्बर १२३४ सम्झिए पुग्ने भएको छ । सरकारले पुरानो विपद् टोल–फ्री नम्बर ११४९ लाई विस्थापन गर्दै शुक्रवारदेखि १२३४ सञ्चालनमा ल्याएको छ । नयाँ प्रणालीअनुसार अब फोन गर्ने व्यक्ति जुन जिल्लामा हुन्छ, सोही जिल्लाको जिल्ला आपत्कालीन कार्यसञ्चालन केन्द्रमा कल स्वतः पुग्ने व्यवस्था गरिएको छ ।