बाढी प्रभावित क्षेत्रमा नेपाल टेलिकमको २ दिन कल र डाटा निःशुल्क, अवरुद्ध सेवा सुचारु गर्न टोली परिचालन

काठमाडौँ । रसुवा र नुवाकोट लगायतका क्षेत्रमा आएको भीषण बाढीका कारण सञ्चार सेवा प्रभावित भएपछि नेपाल टेलिकमले त्यस क्षेत्रका सेवाग्राहीका लागि विशेष राहत प्याकेज घोषणा गरेको छ। टेलिकमले बाढी प्रभावित क्षेत्रका आफ्ना ग्राहकहरूलाई आगामी दुई दिनका लागि निःशुल्क भ्वाइस कल, डाटा र एसएमएस उपलब्ध गराउने भएको हो।

विपत्तिको यस घडीमा सञ्चार सम्पर्क सहज बनाउन टेलिकमले प्रभावित क्षेत्रका सेवाग्राहीलाई दुई दिनसम्म निःशुल्क भ्वाइस कल गर्ने सुविधा दिएको छ। यसका साथै सेवाग्राहीले प्रतिदिन २ जीबी डाटा र ५० वटा एसएमएस समेत निःशुल्क प्रयोग गर्न पाउनेछन्।