नुवाकोटको देवीघाटमा रुखमा चढेर बसेका २ जनाको उद्धार

काठमाडौँ । रसुवाबाट आएको बाढी त्रिशूली मिसिएपछि नुवाकोटको विदुरमा बाढीबाट बच्न रुखमा चढेको दुई जनाको उद्धार गरिएको छ । विदुर नगरपालिका–५ स्थित देवीघाटमा रुखमा चढेका दुई जनाको उद्धार गरिएको नुवाकोटका एसपी विपिन रेग्मीले रातोपाटीलाई बताए ।

स्थानीयको सहयोगमा उनीहरूलाई सशस्त्र प्रहरीले उद्धार गरेको हो । देवीघाटमा हेलिकप्टर पनि परिचालन गरिएको थियो । रुखमा चढेर ज्यान जोगाएका एक जना महिला र एक जना पुरुषको उद्धार गरिएको एसपी रेग्मीले जानकारी दिए ।