टिचिङ अस्पतालको कस्तो छ तयारी ?

१० भदौ, काठमाडौं । रसुवामा आएको बाढीमा घाइते भएकाहरूको उपचारका लागि त्रिवि शिक्षण अस्पतालले आवश्यक तयारी थालेको छ। हालसम्म रसुवाबाट कुनै पनि घाइते अस्पतालमा आइपुगेका छैनन् ।

अस्पतालका प्रवक्ता डा. गोपाल सेढाईंका अनुसार स्वास्थ्य मन्त्रालयको आग्रहपछि अस्पतालले दुई जना चिकित्सक र एक जना प्यारामेडिकसहित तीन जनाको टोली उद्धार कार्यका लागि पठाएको छ। हेलिकप्टरमार्फत उद्धार गर्नुपर्ने अवस्था आउन सक्ने भएकाले आवश्यक जनशक्ति परिचालन गरिएको उनले बताए ।