प्रभावित जिल्लालाई तत्काल बजेट पठाइने, हिमपहिरोले बाँध थुनिएर बाढी आएको प्रारम्भिक पुष्टि [भिडियो]

काठमाडौँ । रसुवाको भोटेकोशी नदीमा आएको विनाशकारी बाढीबाट प्रभावित क्षेत्रमा तत्काल राहत तथा उद्धार कार्य अघि बढाउन सरकारले जिल्ला विपद् व्यवस्थापन समितिमार्फत बजेट पठाउने निर्णय गरेको छ।

विपद् जोखिम न्यूनीकरण तथा व्यवस्थापन राष्ट्रिय परिषद्को बैठकले अत्यधिक प्रभावित रसुवा र नुवाकोट जिल्लालाई प्रतिजिल्ला १/१ करोड रुपैयाँ तथा धादिङ जिल्लालाई ५० लाख रुपैयाँ तत्काल उपलब्ध गराउने निर्णय गरेको हो। राष्ट्रिय विपद् जोखिम न्यूनीकरण तथा व्यवस्थापन प्राधिकरणका कार्यकारी प्रमुख डा. धर्मराज उप्रेतीका अनुसार उक्त रकम जिल्ला विपद् व्यवस्थापन समितिमार्फत आपत्कालीन राहत तथा उद्धारमा खर्च गरिनेछ।