'पार्वती'ले गर्‍यो पब्लिक प्रिमियर, शुक्रबारदेखि देशभर प्रदर्शनमा आउँदै

शुक्रबारदेखि प्रदर्शन तयारीमा रहेको फिल्म 'पार्वती'को पब्लिक प्रिमियर गरिएको छ। मंगलबार चितवनस्थित म्याङ्गो जनज्योति हलमा फिल्मको प्रिमियर गरिएको हो।

प्रिमियरमा फिल्मका कलाकार नीता ढुंगाना र अशोक दर्जी आफ्ना पात्रको क्यारेक्टर लुक्समै उपस्थित भएका थिए। पर्दामा देख्दै आएको लुक्सलाई प्रत्यक्ष देख्न पाउँदा दर्शकले नीताप्रति माया र उत्साह व्यक्त गरेका थिए। फिल्म हेर्ने क्रममा अधिकांश दर्शक भावुक बनेको निर्माण टिमले जनाएको छ।