अझै असुरक्षित आकाश

हवाई दुर्घटनाको प्रमुख कारकमध्येमा मानिन्छ, खराब मौसम। भारी वर्षा, हुस्सु, आँधीजस्ता प्रतिकूल मौसमले दुर्घटनाको जोखिम बढाउँछन्। नेपाल नागरिक उड्डयन प्राधिकरणले जोखिम न्यूनीकरणका लागि उडान मार्ग र गन्तव्यको मौसम पूर्ण रूपमा सफा नभई आन्तरिक उडानको अनुमति नदिने नियम लागु गरेको छ। तर, नेपालमा खराब मौसमका साथै भौगोलिक अवस्थाका कारण पनि दुर्घटना हुने गरेका छन्।

यद्यपि नेपाली आकाशलाई जोखिमपूर्ण बनाएको यी दुई विषयले मात्र होइन। दुर्घटनापछि गठन हुने छानबिन समितिका प्रतिवेदन र सुरक्षा मापदण्ड कार्यान्वयन नगरिँदा दुर्घटनाको सिलसिला कायम रहेको र विज्ञहरू औँल्याउँछन्।