रसुवा बाढीपछि हामी सबै अन्योलमै छौं : कबिन्द्र बुर्लाकोटी

१० भदौ, काठमाडौं । राष्ट्रिय स्वतन्त्र पार्टीका मुख्य सचेतक कबिन्द्र बुर्लाकोटीले रसुवा बाढीको क्षति यकिन हुन नसकेको बताएका छन् । प्रतिनिधिसभामा आकस्मिक समयमा बोल्दै उनले राष्ट्रिय विपद् आइलागेको र यसमा सबै शोकमा रहेको बताए ।

‘…हामी सबैको मुटु हल्लिने घटना हाम्रो सामु भइराखेको छ । यो बाढी अझै कहाँसम्म पुग्ने हो र कति क्षति हुने हो ! क्षतिको विवरण अझै हाम्रो हातमा आइसकेको छैन । हामी कसरी जाने हो ! सरकार पनि एक प्रकारको आफ्नो तयारीमा छ । यति हुँदा हुँदै पनि हामी सबै जना अन्योलमै छौं जस्तो देखिन्छ’ उनले भने ।