रसुवा बाढी : उद्धार र राहतलाई पहिलो प्राथमिकता दिन राप्रपा अध्यक्ष लिङ्देनको आग्रह

राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनले रसुवाको भोटेकोशी नदीमा आएको भीषण बाढीबाट टिमुरे, स्याफ्रुबेसीलगायत क्षेत्रमा भएको जनधनको क्षतिप्रति दुःख व्यक्त गरेका छन्।

बुधबार बिहान आएको बाढीपछि सामाजिक सञ्जालमार्फत अध्यक्ष लिङ्देनले बाढीबाट विस्थापित नागरिकप्रति सहानुभूति पनि प्रकट गरेका छन्। लिङ्देनले सरकारका सम्पूर्ण संयन्त्रलाई उच्च सतर्कता र तत्परताका साथ परिचालन गर्न आग्रह गर्दै मानिसको जीवन रक्षा, बेपत्ताको खोजी, उद्धार, उपचार र तत्काल राहतलाई पहिलो प्राथमिकतामा राख्न सरकारको ध्यानाकर्षण गराएका छन्।