बाढी प्रभावित जिल्लामा राहत र उद्धारका लागि सम्पूर्ण संयन्त्र परिचालन गर्न सांसद लामाको माग

काठमाडौं । राष्ट्रिय प्रजातन्त्र पार्टी (राप्रपा) की सांसद सरस्वती लामाले चीनको तिब्बतबाट भोटेकोशी तथा त्रिशूली नदीमा आएको भीषण बाढीले रसुवा, नुवाकोट र धादिङमा ठूलो विनाश निम्त्याएको भन्दै खोज, उद्धार र राहतमा सम्पूर्ण राज्य संयन्त्र परिचालन गर्न सरकारसँग माग गरेकी छन् ।

बुधबार बसेको प्रतिनिधिसभा बैठकमा बोल्दै सांसद लामाले बाढीका कारण बस्तीहरू डुबानमा पर्नुका साथै मुख्य सडक सञ्जाल र पुलहरू बग्दा जनजीवन अस्तव्यस्त बनेको संसद्लाई जानकारी गराइन् ।