रसुवालगायत बाढी प्रभावित क्षेत्रबाट घाइते आउन सक्ने भन्दै त्रिवि शिक्षण अस्पतालले सक्रिय गर्‍यो ‘डिजास्टर कोड’

काठमाडौं - बाढीका कारण घाइते भएकाहरूको उपचारका लागि त्रिवि शिक्षण अस्पतालले आवश्यक तयारी थालेको छ। रसुवालगायत बाढी प्रभावित क्षेत्रबाट घाइतेहरू ल्याउनुपर्ने सम्भावनालाई ध्यानमा राख्दै अस्पतालले स्वास्थ्यकर्मी तथा आवश्यक स्रोतसाधन तयारी अवस्थामा राखेको हो।

अस्पतालका प्रवक्ता डा. गोपाल सेढाईंका अनुसार स्वास्थ्य तथा जनसंख्या मन्त्रालयको आग्रहमा दुई चिकित्सक र एक प्यारामेडिकसहित तीन सदस्यीय टोली उद्धार कार्यका लागि परिचालन गरिएको छ। हेलिकप्टरमार्फत घाइतेको उद्धार गर्नुपर्ने अवस्था आउन सक्ने भएकाले टोलीलाई तयारी अवस्थामा राखिएको उनले बताए।