सशस्त्र प्रहरीको उद्धार तथा राहत परिचालन

रसुवामा आएको बाढीबाट प्रभावित नागरिकको उद्धार, उपचार तथा राहतका लागि सशस्त्र प्रहरी बल, नेपालले चिकित्सक तथा स्वास्थ्यकर्मीसहित आवश्यक स्रोतसाधन परिचालन गरेको छ ।

बाढीमा परी गम्भीर घाइते भएकाको तत्काल प्राथमिक उपचारका लागि चिकित्सक तथा स्वास्थ्यकर्मी परिचालन गरिएको छ । आपत्कालीन सडक उद्धारका लागि ‘मास क्याजुअल्टी भेइकल्स’ सहितको चिकित्सक तथा उद्धार (मेडिभेक) टोलीलाई बाढी प्रभावित क्षेत्रमा परिचालन गरिएको सशस्त्र प्रहरीले जनाएको छ ।