हेलिकप्टर उद्धार सहज बनाउन नुवाकोट पठाइयो १६ हजार लिटर क्षमताको 'रिफ्युलर'

नेपाल आयल निगमले बाढी प्रभावित क्षेत्रमा उद्धारमा खटिएका हेलिकप्टरलाई सहज रूपमा हवाई इन्धन उपलब्ध गराउन १६ हजार लिटर क्षमताको ‘रिफ्युलर’ गाडी नुवाकोट पठाएको छ।

विमानस्थलभित्र मात्र प्रयोग हुने रिफ्युलर गाडी आपतकालीन अवस्थालाई ध्यानमा राख्दै पहिलो पटक विमानस्थल बाहिर पठाइएको हवाई इन्धन डिपोका प्रमुख प्रदीप यादवले जानकारी दिए।