साढे ८ महिनामै छापिए २६ लाख सवारी चालक अनुमतिपत्र

काठमाडौं । सम्झौता भएको साढे ८ महिनामा पुराना मितिका २९ लाखमध्ये करिब २६ लाख सवारी चालक अनुमतिपत्र (लाइसेन्स) छापिएको छ। दुई चरण गरेर सुरक्षण मुद्रण केन्द्रले उक्त लाइसेन्स छापेको हो। २५ लाख ९२ हजार ४ सय १७ लाइसेन्स छापिइसकेको केन्द्रले जनाएको छ। यसमा ३ लाख ७ हजार ५ सय ८३ लाइसेन्स एक वर्षभन्दा कम समयावधिका छन्।

यस्ता लाइसेन्स भने नवीकरणपछि मात्र छापिने यातायात व्यवस्था विभागले बताएको छ। विभागबाट प्राप्त डेटाअनुसार सबै लाइसेन्स छापिइसकेको केन्द्रका कार्यकारी निर्देशक देवराज ढुंगानाको भनाइ छ।