कटुवा पेस्तोल र लागुऔषधसहित एक जना पक्राउ

सशस्त्र प्रहरीले विराटनगर महानगरपालिका–१४ जतुवाबाट कटुवा पेस्तोल र लागुऔषध गाँजासहित एक जनालाई पक्राउ गरेको छ।

महानगरपालिका–१४ जतुवाका ३१ वर्षीय सुभासचन्द्र यादवलाई आइतबार (आज) बिहान हतियार र गाँजासहित पक्राउ गरेको सशस्त्र प्रहरीले जनाएको छ। सशस्त्र प्रहरी बल नेपाल इन्टेलिजेन्स ब्युरोको विशेष सूचनाका आधारमा सशस्त्र प्रहरी बल सीमा सुरक्षा गुल्म हेडक्वाटर रानीको टोलीले यादवको कोठाबाट हतियार र गाँजा फेला परेको हो।