नेपालमै पहिलोपटक काठमाडौं क्यान्सर सेन्टरमा सुरु भयो 'कार टी सेल' थेरापी

काठमाडौं- नेपालको क्यान्सर उपचारको क्षेत्रमा एक ऐतिहासिक फड्को मार्दै भक्तपुरको ताथलीस्थित काठमाडौं क्यान्सर सेन्टरले विश्वव्यापी रूपमा प्रभावकारी मानिएको अत्याधुनिक 'कार टी सेल' (केमिरिक एन्टिजिन रिसेप्टर-टी सेल) थेरापी सेवा प्रारम्भ गरेको छ। सेन्टरले शनिबार राजधानीमा एक पत्रकार सम्मेलन आयोजना गरी केही दिनमै रक्तजन्य क्यान्सर (ल्युकेमिया र लिम्फोमा) बिरामीमा यो थेरापी प्रयोग गर्ने तयारी भइरहेको जानकारी दिएको छ ।

यो प्रविधि भित्रिएसँगै नेपाल कार टी सेल उत्पादन गर्ने संसारका सातवटा मुलुकहरू र यो सेवा उपलब्ध गराउने करिब ३५ वटा देशहरूको सूचीमा पर्न सफल भएको छ ।