वाणिज्य बैंकहरुको नाफा १९.३२ प्रतिशतले बढ्यो, आर्जनमा नबिल शिर्ष स्थानमा, वृद्धिदरमा कुमारी बैंक पहिलो

चालु आर्थिक वर्षको ११ महिनाको अवधिमा वाणिज्य बैंकहरुको नाफा १९ प्रतिशत भन्दा बढीले बढेको छ । वाणिज्य बैंकहरुको नाफा गत आर्थिक वर्षको सोही अवधिको तुलनामा १९.३१ प्रतिशतले वृद्धि भएको हो ।

वाणिज्य बैंकहरुले चालु आर्थिक वर्ष २०८२/८३ को ११ महिना (साउन–जेठ)सम्म २० वटा वाणिज्य बैंकहरुले ६४ अर्ब ५६ करोड ३६ लाख रुपैयाँ नाफा कमाएका छन् । अघिल्लो वर्ष २०८१/८२ को जेठसम्म वाणिज्य बैंकहरुले ५३ अर्ब ९७ करोड ३४ लाख रुपैयाँ नाफा आर्जन गरेका थिए । अघिल्लो आवको तुलनामा समीक्षा अवधिमा बैंकहरुको नाफा १९.६२ प्रतिशतले बढेको छ । २० वाणिज्य बैंकहरु मध्य सबै भन्दा बढी नाफा कमाउनेमा नबिल बैंक शिर्ष स्थानमा रहेको छ । यो अवधिमा वृद्धिदरका हिसाबले कुमारी बैंक पहिलो स्थानमा रहेको छ । अघिल्लो वर्षको तुलनामा समीक्षा अवधिसम्म १५ वटा वाणिज्य बैंकको नाफा बढेको छ भने ५ वटाको घटेको छ । यस अवधिसम्म नबिल बैंकले सबै भन्दा बढी ८ अर्ब ४९ करोड २२ लाख रुपैयाँ नाफा आर्जन गरेको छ । अघिल्लो वर्ष यही अवधिसम्म बैंकले ६ अर्ब ४० करोड ८३ लाख रुपैयाँ नाफा आर्जन गरेको थियो । यो बैंकको नाफा ३२.५२ प्रतिशतले बढेको छ ।