रसुवाको बाढीमा घाइते १० जना काठमाडौंका विभिन्न अस्पतालमा उपचाररत

काठमाडौं । रसुवामा आएको बाढीमा घाइते भई उद्धार गरिएका १० जना काठमाडौंस्थित विभिन्न अस्पतालमा उपचाररत छन्।

प्राप्त विवरणअनुसार दिउँसो ३ बजेसम्म १० जना घाइतेलाई काठमाडौं ल्याई उपचारका लागि विभिन्न अस्पतालमा भर्ना गरिएको हो। उनीहरूमध्ये ४२ वर्षीय भक्त भण्डारी, ४१ वर्षीया सीता भण्डारी र २४ वर्षीया विवेक कुमाल राष्ट्रिय ट्रमा सेन्टरमा उपचाररत छन्। उनीहरू तीनै जना नुवाकोटको विदुर नगरपालिका–५ का हुन्।