सभापति लामिछानेले भने– बाढी पहिरो पीडितको उद्धारमा राज्यको सम्पूर्ण सामर्थ्य लगाउनु पर्छ

सत्तारुढ दल राष्ट्रिय स्वतन्त्र पार्टी (रास्वपा) का सभापति रवि लामिछानेले नागरिकको ज्यान जोगाउन सरकारलाई आफ्नो सम्पूर्ण सामर्थ्य लगाउन आग्रह गरेका छन् ।

प्रतिनिधि सभाको बुधवारको बैठकमा बोल्दै सभापति लामिछानेले यो कठिन घडीमा सरकार र आफ्नो पार्टी पीडितहरूको साथमा रहेको प्रतिबद्धता जनाएका हुन् । त्रिशूली क्षेत्रमा आएको भीषण बाढीका कारण भएको जनधनको क्षतिप्रति गहिरो दुःख व्यक्त गरे । उनले बाढी र पहिरोको जानकारी प्राप्त भए लगत्तै आफूले प्रधानमन्त्री, गृहमन्त्री र स्वास्थ्य मन्त्री लगायतका सरकारी संयन्त्रसँग निरन्तर संवाद र समन्वय गरिरहेको जानकारी दिए ।