विपद्मा नागरिकको जीवन रक्षा गर्न कांग्रेसद्वारा सरकारको ध्यानाकर्षण

काठमाडौं – नेपाली कांग्रेसले सरकारका सबै साधन श्रोत र संयन्त्रको उच्चतम उपयोग गरी विपद्मा नागरिकको जीवन रक्षा गर्न सरकारको गम्भीर ध्यानाकर्षण गराएको छ ।

बुधबार पार्टी कार्यालय सानेपामा बसेको कांग्रेस केन्द्रीय कार्यसमितिको आकस्मिक बैठकले बेपत्ता नागरिकहरूको शीघ्राशीघ्र खोज कार्य गर्न, घाइतेहरूको उचित स्वास्थ्य उपचारको व्यवस्था मिलाउनका साथै विपद् प्रभावित क्षेत्रका मानिसहरूको अस्थायी बसोबासको बन्दोबस्त गर्न सरकारका सबै साधन श्रोत र संयन्त्रको उच्चतम उपयोग गरी विपद्मा नागरिकको जीवन रक्षा गर्न गम्भीर ध्यानाकर्षण गराएको हो ।