भोटेकोशी बाढीः उद्धार र राहतलाई तीव्रता दिइन्छ : श्रेष्ठको निर्देशन

काठमाडौँ, १० भदौ । ऊर्जा, जलस्रोत तथा सिँचाइमन्त्री विराजभक्त श्रेष्ठले भोटेकोशीमा आएको बाढीबाट भएको क्षतिको तत्काल विवरण सङ्कलन गरी उद्धार, राहत तथा पुनःस्थापनाका कामलाई तीव्रता दिइने बताएका छन् ।

बाढीको सूचना प्राप्त भएलगत्तै मन्त्री श्रेष्ठले मन्त्रालयमा वरिष्ठ व्यवस्थापन समूह (एसएमटी)को बैठक राखेर घटनाको क्षतिको प्रारम्भिक अवस्थाबारे जानकारी लिएको थियो । उनले विपद्मा परेका कर्मचारी, मजदूर तथा आम नागरिकको उद्धार तथा पुनःस्थापनालाई पहिलो प्राथमिकतामा राखी गृह मन्त्रालयललगायतका निकायसँग समन्वय गरी प्रभावित क्षेत्रमा तत्काल संयन्त्र परिचालन गर्न निर्देशन दिए ।