हनिमुन मनाउन छोराहरूसँगै अस्ट्रेलिया उडे आमिर र गौरी

बलिउड अभिनेता आमिर खान प्रेमिका गौरी स्प्रेटसँग विवाह गरेको एक हप्ता नपुग्दै हनिमुन मनाउन अस्ट्रेलिया उडेका छन्। जुलाई ५ मा बान्द्रास्थित घरमा नजिकका आफन्त र परिवारका सदस्यको उपस्थितिमा सामान्य समारोहबिच उनीहरूले विवाह गरेका थिए।

नवदम्पतिको यो यात्रा केवल घुमघाम मात्र नभई आमिरको कामका लागि पनि भएको खुलेको छ। साथमा आमिरका छोरा आजाद र गौरीका छोरा क्विन पनि रहेका छन्। यसले दुवै परिवारका बालबालिकालाई एकअर्कासँग घुलमिल हुने र आमिरलाई क्विनसँग केही गुणस्तरीय समय बिताउने अवसर दिएको छ।