काठमाडौंबाट ७२ हजार ९ सय ट्रामाडोल क्याप्सुलसहित दुई जना पक्राउ

काठमाडौं ।

लागू औषध नियन्त्रण ब्युरो, कोटेश्वरले काठमाडौं महानगरपालिका–६, कुमारीगाल क्षेत्रबाट ७२ हजार ९ सय ट्रामाडोल (Tramadol HCL) क्याप्सुलसहित दुई जनालाई पक्राउ गरेको छ। ब्युरोले आइतबार जारी गरेको प्रेस विज्ञप्तिअनुसार लागू औषध कारोबार हुन सक्ने उच्च जोखिमयुक्त स्थानमा निगरानी गर्ने क्रममा उनीहरूलाई पक्राउ गरिएको हो।