चीनले ल्यायो इलोन मस्कको न्युरालिंकको भन्दा उन्नत प्रविधि, खप्पर खोल्नु नपर्ने

एजेन्सी । अमेरिकी अर्बपति इलोन मस्कको न्युरालिंकले अपांगता भएका व्यक्तिहरूलाई सहयोग गर्न टाउकोमा यन्त्र प्रत्यारोपण गर्छ । यो मस्तिष्क–कम्प्युटर इन्टरफेस (बीसीआई) को क्षेत्रमा एक प्रमुख उदाहरण बनेको छ ।

तर, केही कम्पनीहरूले भने ठूलो बजारमा पुग्नका लागि न्युरल प्रविधिलाई टाउकोको खप्पर खोल्ने झन्झट गरिरहनु नपर्ने दाबी गरिरहेका छन् । बीसीआईले मस्तिष्कका संकेतहरूलाई प्रशोधन गरेर आदेशहरूमा रूपान्तरण गर्छ जसले गर्दा बाह्य उपकरणहरूलाई सोचाइको भरमा नियन्त्रण गर्न सकिन्छ ।