अनधिकृत कम्पनीमार्फत चकलेट उत्पादन गरेर बेचेको आरोपमा एक जना पक्राउ

काठमाडौँ। काठमाडौँ महानगरपालिका वडा नम्बर १३ स्थित गाइबाच्छा पाटी चोकमा अनधिकृत कम्पनी मार्फत चकलेट उत्पादन गरेर बेच्ने एक जनालाई प्रहरीले पक्राउ गरेको छ । बुधबार पक्राउ पर्नेमा चितवन घर भएर ताहाचल बस्दै आएका ३० वर्षीय सुनिल भुजेल छन् ।

सूर्य कन्फेसनरीको नाममा उनले अनुमति नै नलिई चकलेट उत्पादन र बिक्री वितरण गर्दै आएको भेटिएको जिल्ला प्रहरी परिसर काठमाडौँमा एसपी दान बहादुर थापाले रातोपाटीलाई बताए ।