कहाँ राखिएको छ गणेशको परिवारलाई ? दाइ मदनले भने– कोहीसँग सम्पर्क गर्न दिइएन

काठमाडौं । मुगुका २५ वर्षीय गणेश नेपालीको मृत्यु भएको तीन दिन बितिसक्दा पनि आफन्तले शव बुझेका छैनन् । आफूहरूका माग पूरा नभई शव नबुझ्ने उनीहरूको अडान छ ।

बिहीबार (असार २५) काठमाडौंको त्रिपुरेश्वरस्थित राहदानी विभागअगाडि गणेशले आत्मदाहको प्रयास गरेका थिए । त्यसपछि उद्धार गरेर उनलाई महाराजगन्जस्थित त्रिवि शिक्षण अस्पताल लगिएको थियो । उपचारका क्रममा शुक्रबार (असार २६) बिहान उनको मृत्यु भएको हो । उनको शव सोही अस्पतालमा राखिएको छ ।