तत्काललाई थप जोखिम हट्यो

काठमाडौं । जल विज्ञान तथा जलस्रोत अनुसन्धान केन्द्रले रसुवाको भोटेकोशीमा आएको बाढीबाट हुन सक्ने थप क्षतिको जोखिम तत्कालका लागि टरेको जनाएको छ । केन्द्रका बाढीविद् विनोद पराजुलीले बाढीको प्रभाव अब क्रमशः घट्दै गएकाले थप खतरा तत्कालका लागि टरेको बताएका छन् ।

“रसुवास्थित भोटेकोशीमा आएको बाढी आएपछि नदी छेउछाउका बस्ती र बजार क्षेत्रमा उच्च सतर्कतासहित सुरक्षित रहन अनुरोध गरेका छौँ,” उनले भने, “सबैतिर पूर्वसूचना प्रवाह भएको छ, अब बाढीको ठूलो जोखिम पनि कम हुँदै गएको छ ।”