रसुवाको बाढीमा सिन्धुलीका १८ जना सम्पर्कविहीन

रसुवामा आएको बाढी र पहिरोपछि सिन्धुलीका १८ जना सम्पर्कविहीन भएको भन्दै आफन्तले जिल्ला प्रशासन कार्यालय सिन्धुलीमा खोजी तथा उद्धारका लागि आग्रह गरेका छन्।

जिल्ला प्रशासन कार्यालय सिन्धुलीका सहायक प्रमुख जिल्ला अधिकारी दीपेन्द्र पौडेलका अनुसार रसुवाका विभिन्न हाइड्रोपावर आयोजना तथा ती आयोजनासम्म पुग्ने सडकमा काम गर्दै आएका सिन्धुलीका श्रमिकहरू र केही कर्मचारी समेत सम्पर्कविहीन भएको भन्दै आफन्तहरू प्रशासन कार्यालयमा पुगेका हुन्।