भोटेकोशी बाढीप्रति पूर्वराजा ज्ञानेन्द्रद्वारा दुःख व्यक्त, उद्धार र राहतमा एकजुट हुन आग्रह

काठमाडौँ । भोटेकोशीमा आएको बाढीबाट भएको जनधनको क्षतिप्रति पूर्वराजा ज्ञानेन्द्र शाहले गहिरो दुःख व्यक्त गरेका छन्। उनले बाढीका कारण बेपत्ता भएका नागरिकको खोजी कार्यलाई तीव्रता दिन तथा घाइतेहरूको तत्काल उपचारको व्यवस्था गर्न सरकार र सम्बन्धित निकायलाई आग्रह गरेका छन्।

पूर्वराजा शाहले जारी गरेको सन्देशमा बाढीका कारण बाटोघाटो, पुलपुलेसा, विद्युत् आयोजना, भौतिक संरचना तथा खेतीपातीमा ठूलो क्षति पुगेको भन्दै दुःख व्यक्त गरिएको छ।