भोटेकोशीमा आएको बाढीप्रति मधेस सरकारद्वारा दुःख व्यक्त, उद्धार, राहतमा जुट्न आह्वान

मधेस प्रदेश सरकारले रसुवाको सीमावर्ती क्षेत्रबाट आज भोटेकोशी नदीमा अप्रत्याशित रूपमा आएको बाढी तथा त्यसबाट भएको जनधनको क्षतिप्रति गम्भीर चिन्ता व्यक्त गरेको छ ।

मधेस प्रदेश सरकार मन्त्रिपरिषदको आज बसेको बैठकले भोटेकोशी नदीमा आएको बाढी क्रमशः तल्लो तटीय क्षेत्रमा अगाडि बढिरहेको भन्दै नदी किनार तथा तल्लो तटीय क्षेत्रका बासिन्दालाई पूर्ण सावधानी अपनाउन र सुरक्षित रहन आह्वान गरेको हो ।