कन्सल्टेन्सी सञ्चालनमा सरकारको कडाइ, तालाचाबी बुझाएर सडकमा उत्रिने व्यवसायीको चेतावनी

सरकारले शैक्षिक परामर्शदाता कम्पनी अर्थात् कन्सल्टेन्सी सञ्चालनमा कडाइ गर्ने गरी नियमावली ल्याएपछि व्यवसायीहरू विरोधमा उत्रिएका छन् ।

गएको बुधबार मन्त्रिपरिषद्‌बाट स्वीकृत भएको नियमावली शैक्षिक परामर्श, भाषा, शिक्षण तथा तयारी कक्षा सञ्चालन तथा व्यवस्थापन नियमावली २०८३ मार्फत कन्सल्टेन्सीहरूलाई कडाइ गर्ने गरी धरौटीदेखि कारबाहीसम्मको व्यवस्था गरेपछि व्यवसायीहरूले चाबी सरकारलाई बुझाएर सडकमा उत्रने चेतावनी दिएका हुन् ।