भोटेकोसी बाढीको कारण : 'चट्टानसहित हिम पहिरो चीनको ल्हेन्दे खोलामा मिसिनु'

काठमाडौं : राष्ट्रिय जोखिम न्यूनीकरण तथा व्यवस्थापन प्राधिकरणले बुधवार भोटेकोसीमा आएको बाढीको कारण चीनको तिब्बततिरको ल्हेन्दे खोलामा मिसिएको हिम चट्टासहितको पहिरो रहेको बताएको छ।

सामाजिक सञ्जालमा प्लानेट ल्याबको तस्बिरसहित विश्लेषण सार्वजनिक गर्दै उसले यो सार्वजनिक गरेको हो। प्राधिकरणका अनुसार प्रारम्भिक अध्ययनबाट नेपाल-चीन रसुवागढी नाकाबाट करिब २० किलोमिटर उत्तरपूर्व नेपाल-चीन सिमानामा गएको हिम-चट्टान पहिरोका कारण ल्हेन्दे खोलामा गेग्र्यानसहितको बाढी आएको देखिएको छ।