डिजिटल गोपनीयतामाथि प्रश्न उठेपछि मेटाको एआई टूल बन्द

काठमाडौं । सामाजिक सञ्जाल प्लेटफर्म इन्स्टाग्रामका लागि मेटाले हालै सार्वजनिक गरेको कृत्रिम बुद्धिमत्तामा आधारित ‘म्यूज इमेज’ सुविधा व्यापक आलोचनापछि बन्द गरेको छ ।

गत जुलाई ८ मा सार्वजनिक गरिएको उक्त सुविधाले कुनै पनि सार्वजनिक इन्स्टाग्राम खातामा रहेका तस्बिरहरूको आधारमा नयाँ एआई–निर्मित डिजिटल तस्बिर तयार गर्न सक्थ्यो । प्रयोगकर्ताले सम्बन्धित सार्वजनिक खाताको नाम प्रविष्ट गरेपछि प्रणालीले त्यही खाताका तस्बिरलाई आधार बनाएर नयाँ दृश्य सिर्जना गर्ने व्यवस्था गरिएको थियो ।