भोटेकोशी बाढीपीडितका लागि प्रधानमन्त्री राहत कोषमा सहयोग गर्न सरकारको अपिल

काठमाडौं – रसुवाको भोटेकोशी नदीमा आएको विनाशकारी बाढीबाट प्रभावित नागरिकको उद्धार, राहत तथा पुनःस्थापनाका लागि आर्थिक सहयोग गर्न सरकारले अपिल गरेको छ ।

प्रधानमन्त्रीको सचिवालयले बुधबार सामाजिक सञ्जालमार्फत सूचना जारी गर्दै बाढीबाट प्रभावितहरूलाई तत्काल सुरक्षित स्थानमा व्यवस्थापन गर्नुपर्ने र दीर्घकालीन रूपमा पुनःस्थापना गर्न पनि उत्तिकै आवश्यक रहेको जनाएको हो ।