रसुवा बाढी : संघीय सरकारको कार्यमा प्रदेश सरकारको ऐक्यबद्धता

धनगढी । रसुवाको भोटेकोशी नदीमा आएको आकस्मिक विनाशकारी बाढीबाट भएको जनधनको क्षतिप्रति सुदूरपश्चिम प्रदेश सरकारले दुःख व्यक्त गर्दै विपद्को सामना गर्न संघीय सरकारले अघि बढाइरहेको उद्धार, राहत तथा पुनःस्थापनाको कार्यमा ऐक्यबद्धता जनाएको छ ।

सुदूरपश्चिम प्रदेशका मुख्यमन्त्री खगराज भट्टले एक विज्ञप्ति जारी गर्दै संघीय सरकारले सञ्चालन गरिरहेको खोज, उद्धार, राहत तथा पुनःस्थापनाका कार्यमा सुदूरपश्चिम प्रदेश सरकारको पूर्ण सहयोग र ऐक्यबद्धता रहने बताएका छन्।