विश्वकपको क्वाटरफाइनलमा अर्जेन्टिनी खेलाडीले किन लगाए कालो पट्टी ?

काठमाडौँ। स्विजरल्याण्ड विरुद्धको विश्वकप २०२६ को क्वाटरफाइनल खेलमा अर्जेन्टिनाका खेलाडीहरू हातमा कालो पट्टी बाँधेर मैदानमा उत्रिए। यो कुनै सामान्य विरोध नभई अर्जेन्टिनी फुटबलका लेजेन्ड एवं पूर्व कप्तान एन्टोनिओ रटिनको निधनप्रति शोक व्यक्त गर्न चालिएको कदम भएकाे समाचारहरुमा जनाइएको छ।

८९ वर्षको उमेरमा मस्तिष्कघातका कारण निधन भएका रटिनको सम्मानमा अर्जेन्टिनी फुटबल संघले फिफासँग अनुमति माग गरेको थियो। फिफाको स्वीकृतिपछि आइतबार बिहान भएको अन्तिम आठको भिडन्तमा अर्जेन्टिनी खेलाडीहरूले आफ्नो जर्सीको बाहुलामा कालो पट्टी लगाएका हुन्।