ललितपुरबाट ब्राउनसुगरसहित तीन जना पक्राउ

काठमाडौँ। प्रहरीले ललितपुर हरिसिद्धीबाट लागुऔषध ब्राउनसुगरसहित तीन जनालाई पक्राउ गरेको छ। पक्राउ पर्नेमा धादिङ धुनिवेशी नगरपालिका-९ का ३८ वर्षीय अनिल श्रेष्ठ, मोरङ कटहरी गाउँपालिका-४ का ३५ वर्षीय जाबेद आलम र सप्तरी खडक नगरपालिका-७ का ३४ वर्षीय विकास भगत रहेका छन्।

उनीहरूलाई ललितपुर महानगरपालिका-२९ हरिसिद्धिबाट पक्राउ गरिएको लागुऔषध नियन्त्रण ब्युरोले जनाएको छ। ब्युरोका प्रहरी उपरीक्षक दुर्गाराज रेग्मीका अनुसार सुरूमा श्रेष्ठ २५ असारमा पक्राउ परेका थिए। उनको साथबाट २९ ग्राम ब्राउनसुगर फेला परेको थियो।