देशका विभिन्न जिल्लामा सवारी दुर्घटना : सात जनाको मृत्यु

काठमाडौँ । देशका विभिन्न जिल्लामा भएका छुट्टाछुट्टै सवारी दुर्घटनामा सात जनाको मृत्यु भएको छ। नेपाल प्रहरीको केन्द्रीय समाचार कक्षका अनुसार मोरङ, धनुषा, तनहुँ, कास्की र बझाङमा भएका दुर्घटनामा सात जनाले ज्यान गुमाएका हुन्।

मोरङमा बसको ठक्करबाट एक पैदलयात्री, धनुषामा दुई मोटरसाइकल एकापसमा ठोक्किँदा एक जना, तनहुँ र कास्कीमा मोटरसाइकलको ठक्करबाट दुई पैदलयात्री तथा बझाङमा जिप दुर्घटना हुँदा तीन जनाको मृत्यु भएको प्रहरीले जनाएको छ।