प्रधानमन्त्री दैवी प्रकोप उद्धार र राहत कोषका यी बैंक खातामा जम्मा गर्न सकिन्छ सहयोग रकम

काठमाडौं । रसुवास्थित भोटेकोशी नदीमा बुधबार बिहान भीषण बाढी आउँदा ठूलो जनधनको क्षति भएको छ । बिहान ८:४० बजे नदीमा आएको बाढीका कारण रसुवासहित तटीय क्षेत्रमा पर्ने नुवाकोट, धादिङ र गोरखा लगायतका जिल्लाहरू नराम्ररी प्रभावित बनेका छन् ।

यस विपद्बाट प्रभावित नागरिकहरूलाई तत्काल सुरक्षित स्थानमा स्थानान्तरण गरी खाना–बस्नको प्रबन्ध मिलाउनुका साथै दीर्घकालीन रूपमा पुनस्र्थापना गर्न आवश्यक रहेको भन्दै प्रधानमन्त्री तथा मन्त्रिपरिषद्को कार्यालयले देश तथा विदेशमा रहेका सम्पूर्ण नेपाली नागरिक, संघ–संस्था, व्यवसायी तथा दातृ निकायहरूलाई आर्थिक सहयोगका लागि हार्दिक अपिल गरेको छ ।